"Pala deng Telor"

Satu kali ada ni om baru mo pulang dari pasar abis da beli telor ayam banya skali. Di pinggir jalang dia ba dola oto mikro. Kage-kage datang satu mikro mar so amper penuh tinggal for satu penumpang kong depe tampa dudu di paling belakang. Nintau akang ada ni satu tanta ada bawa buah pala dua keranjang kong dia da dudu ley di fip tampa jalang mo kablakang. Jadi tu tampa jalang mo kablakang tatutu deng dua keranjang pala. Lantaran ni om stenga mati mo lewat, kong dia langsung bilang pa itu tanta: “Ses, tolong buka akang dang ses pe pala-pala supaya kita mo kase maso kita pe telor disitu”…