Ada ni orang Sanger depe nama Baco. Dari kecil sampe so basar dia cuma makang ubi rebus jarang makang nasi. Jadi dia so akrab deng tu makanan . Satu kali dia dapa doi banya kong ingin mo balayar ke Jakarta cari suasana baru. Lantaran mo cari suasana baru, jadi ni Baco ganti nama jadi Jecky. Pas sampe di Jakarta, turun di terminal, dia jadi lapar kebetulan di dekat situ ada rumah makang spesial singkong, kong pa depe papan nama ada tulisan basar skali "Singkong Rebus Spesial". Lantaran ni orang penasaran deng tu barang, dia langsung maso kasitu kong langsung pangge pelayan. Dia bilang "tanta, tanta, minta singkong rebus spesial satu. Nyanda lama tu tanta datang bawa satu piring singkong, kong apa dia bataria "Pe keode laso deng ngana. Kita datang ke Jakarta , ngana iko akang", "Kita ganti nama dari Baco jadi Jecky, ngana lei iko ganti nama dari ubi jadi singkong, pake fam lagi spesial"
Langganan:
Posting Komentar (Atom)
Tidak ada komentar:
Posting Komentar