Rabu, 22 Oktober 2008

”Cuma Torang Dua Deng di Atas Yang Tau”

Ada ni dua anak kaka-ade sandiri di rumah lantaran dong pe mama ada kaluar pigi di kumpulan PKK, sedangkan dong pe papa nintau ada pigi mana. Akhirnya dorang dua banonton TV sama-sama di ruang tamu. Nyanda lama dapa dengar dari luar dong pe papa pe suara motor, dong pe papa so pulang mar nintau akang ada bonceng parampuang laeng. Lantaran tako, dong dua langsung basambunyi di kamar dong pe papa deng mama yang kaka basambunyi di atas loteng, yang ade basambunyi di bawa tampa tidor. Dong pe papa kote mo pake tu kamar for mo main gila deng tu parampuang, terpaksa dorang dua cuma babadiang. Akhirnya...dong pe papa deng tu parampuang so selesai berbuat mar abis itu tu parampuang manangis. Dong pe papa tanya pa tu parampuang:
”Kiyapa ngana managis...?”. Sudah ngana nyanda usah tako, kejadian ini cuma torang dua dengan yang di atas yang tau”.
Rupanya ni anak yang dibawa kolong koi ada dengar-dengar betul depe papa pe kata-kata tadi, jadi de pe kira cuma de pe kaka di atas loteng yang tau kong dia nyanda ta itong. Kong apa dia langsung bataria dari bawa kolong koi:
”Kong kita dang pa...?, Jang papa kira kita nintau samua papa da beking tadi...”

Tidak ada komentar:

 

blogger templates | Make Money Online